الأربعاء، أبريل 22

السلام عليكم لما فكرت اعمل مدونة للكاتب عبد الوهاب مطاوع كان ذلك لاحياء ذكراه مع بريد الجمعة لكن انا دلوقتي حاسة اني كنت لوحدي اللي عيشة مع هذة الرسائل عشان ملقتشي جمهور بريد الجمعة مش عارفة اعمل ايه عشان محبي البريد يعرفوا انه في رسائل للبريد احضرها من قصاقيص قديمة عمرها حوالي عشر سنوات كنت احتفظ بها منذ عام 1999 وذلك لان هذة الرسائل تمثل لي الكثير من الذكريات ففي كل رسالة ذكري معينة ومع كل رد من ردود الكاتب خبرة اكتسبتها وكنت اتمني ان كل فتاة شابة تتعب نفسها شوية في قراءة هذة الرسائل الطويلة اعلم انها طويلة شوية بس مينفعش اختصر فيها ومينفعش اختصر في رد الكاتب عشان الكل يكمل بعضه تمنياتي لكم بكل خير

هناك 17 تعليقًا:

نسوم يقول...

السلام عليكم
انا صاحبة مدونة اشعار من زمن الفن الجميل
ومكتبش فيها لاني نسيت كلمة السر واسم المستخدم
فعملت مدونة تانية وهي برضه عن الاشعار وحضرتك شرفتني بالتعليق عليها وهي
اشعار وخواطر في زمن لا يعرف الحب
تقبل تحياتي

ذكرى رحيل قلم يقول...

انا دخلت المدونة ديه واخر مرة كتبتي فيها كان في اكتوبر وتركت تعليق
حاولي مع جوجل واستخدمي الايمل عشان تعرفي تدخلي المدونة تاني
تمياتي لك بنجاح مدونتك الجديدة

شفـقــة و إحســــان يقول...

تصدقة انها فكرة هايلة بجد
والله برافو عليكى ... لعلمك بقى انا من عشاق الكاتب عبد الوهاب مطاوع رحمه الله
وافتقدت كتاباته وردوده جدا .. انا اصلا كنت بشترى جريدة الاهرام يوم الجمعة بذات علشان اقرا قصصه ورده على الناس وانا كمان اكتسبت خبرة كبيرة جدا منه
وبريد الجمعة مابقاش له طعم وخاصة مع خيرى رمضان
الله يرحم كاتبنا الكبير ويسكنه فسيح جناته

ذكرى رحيل قلم يقول...

السلام عليكم
متعرفيش اد ايه اسعدني تعليقك وفرح قلبي انا كمان كنت بشتري اهرام الجمعة خصيصا للبريد وكنت بقطع الورقة الخاصة وهي رقم 13و بحتفظ بها حتي وجدت عندي مجموعة من الاوراق تستحق تجديد ذكراه جزاكي الله كل خير لرفع الروح المعنوية واعطائي امل في الاستمرار
تحياتي لك

مامة مازن يقول...

اختى العزيزة احسنت فعلا فعلا
ونحن سنتابع ولا تخافى من الاطالة فعشاق بريد الجمعة للاستاذ عبد الوهاب يدركون اهمية لك كلمة فيه
سنتابعك باذن الله

ذكرى رحيل قلم يقول...

السلام عليكم
انت تسأل و الكمبيوتر يجيب
انا كنت بتابع البرنامج من زمان ايام المذكرة جوار الراديو لكن دلوقتي لأ بس ممكن اتابع المدونة وحاضر سوف اقوم بزيارة كي اري الفرق بين الاذاعة والكمبيوتر
شكرا جزيلا لارسال الدعوة

ذكرى رحيل قلم يقول...

مامة مازن
تحياتي لك
انا نفسي نتجمع نحن اهل البريد كي ننقش علي رسائله حب دام سنين تعلق به العقل والقلب فأصبح في الوجدان تشتاق اليه العين لتقراء كلماته
شكرا لك ودمتي بألف خير

رئـــــيسـة حزب الأحلام يقول...

بجد ياريت نقراها لان اكيد ممكن نلاقى مشاكل مشابهة لمشاكلنا
تحياتى لكى

ذكرى رحيل قلم يقول...

هو اكيد لان مشاكل الحياة واحدة في دائرة وتمر علي البشر واحد واحد
بس بره متنسيش الخبرة اللي هانكتيسبها
حيث التعلم من اخطاء الغير او حكمة الغير
متشرة قوي لرد الزيارة ودائما التواصل
تحياتي

شرين يقول...

السلام عليكم

انا بتابع معاكى الا بتكتبية بس احيانا اجد باب التعليق مقفول او العيب عندى مش عارفة

على فكرة غيرى العنوان وخلية بريد الجمعة او عبد الوهاب مطاوع وهيظهر فى البحث فى جوجل اسرع


ربنا يوفقك

ذكرى رحيل قلم يقول...

ده العادي في التعليقات بس ساعات الواحد بيكون مستعجل ويقول طب خلاص مش هاعلق اص الموقع بقي تقيل اوي من كتر المدونات

علي فكرة انا فكرت في تغير اسم المدونة ب اسم بريد الجمعة لكن لاقيت العنوان الرائيسي افضل
وبالنسبة لبحث جوجل انا بكتب مدونة ذكريات ناس بواسطة ذكري رحيل قلم
تحياتي لك ودمتي بخير

شرين يقول...

السلام عليكم

حساكى زعلانة اوى بس شوفى فى بعض البوستات فعلا مافهاش تعليق انا رجعت بصيت وفى مقفول التعليق مش مسالة الموقع تقيل

بس بلاش تكشرى هنعلق ونتواصل لان انا كنت بشترى اهرام الجمعة مخصوص علشان عبد الوهاب مطاوع

تحياتى

ذكرى رحيل قلم يقول...

انا فعلا زعلت وخفت انك تقولي منشرتش تعليقك ومكنتش كمان هلاقي مدونتك تاني وبجد متشكرة جدا لوجودك مرة تانية

لاسع افندى يقول...

ان اغلب مستخدمى الانترنت لا يعلمون شيئا عن المدونات لكننا سنظل نكتب حتى لو كتبنا لانفسنا يكفينا شرف الكتابه
وتوثيق ارائنا وافكارنا وخواطرنا لاتتوقفى عن الكتابه اختارى عناوين جيده للموضوعات لكى يسهل العثور عليها على جوجل


تقبلوا تحياتى ومرورى

روح طفلة يقول...

السلام عليكم ورحمه الله وبركاته
اختى العزيزة
اولا تحياتى لك على فكره المدونه
ثانيا انتى عرفتينى على شخصيه جديرة بالاحترام
انا أول مره أقرأ بريد الجمعه من خلال مدونتك

وخلصت قبل ماكتب الكومنت ده كل البوستات الى كتبتيها
وكل واحد فيهم كان بيدينى رساله معينه وكلام كان جاى فى وقته جدا
تحياتى لك مره ثانية

ذكرى رحيل قلم يقول...

السلام عليكم
استاذ
لاسع افندي اسعدني مرورك وشرفني وجودك وشكرا جزيلا لنصائحك الغالية
تحياتي
-----------

روح الطفلة
-------
نورتيني واسعديني بكلامك
وربنا يوفقك ويرزقك ديما بالخير
وبتمني فعلا اننا كلنا نتعلم ونعرف انه مهما كنا بنقاسي من مشكلة ففي ناس عانت وصبرت وجزاهم الله كل خير بعد ما صبروا
تحياتي وان شاء الله تلاقي هنا كل مفيد
دمتي بكل خير وسعادة

أمة الله أم يوسف يقول...

جزاكى الله خيرا على هذه المدونه القيمه .ورحم الله الكاتب الكبير عبد الوهاب مطاوع وأسكنه فسيح جناته

رحلة النجاح